काठमाडौं । किरण राव निर्देशित बलिउड फिल्म ‘लापता लेडिज’ यस वर्षको सरप्राइज बलिउड हिट हो । १ मार्चमा हलमा रिलिज भएको यो फिल्मसँग न कुनै ठूलो स्टार थिए, न ठूलो प्रोडक्सन हाउसको ठूलो बजेटको फिल्म थियो ।

फिल्मको कथालाई यति रुचाइयो कि कम बजेटको यो फिल्म हलमा हिट सावित भयो । २६ अप्रिलमा नेटफ्ल्क्सिमा रिलिज भएपछि यो फिल्मको लोकप्रियता अझै वृद्धि भयो । दर्शकले फिल्मको निकै प्रशंसा गरे ।

किरण रावको यो फिल्मले यतिबेला ओटीटीमा कीर्तिमान रचेको छ । ‘लापता लेडिज’ले नेटफ्लिक्समा रणवीर कपुर स्टारर ‘एनिमल’लाई पछाडि छाड्दै धेरै हेरिने फिल्म बनेको छ ।