काठमाडौँ - युवा गायक रिवाज सिंह सुनारले ‘देश विकास’ बोलको म्युजिक भिडियो सार्वजनिक गरेका छन्।

देश विकासका लागि भ्रष्टाचार बढ्न दिनु नहुने सन्देश रहेको सो म्युजिक भिडियो यहाँ सार्वजनिक गरिएको हो। गीतमा अनियमितता, ढिलासुस्तीजस्ता विकृति अन्त्यका लागि सरोकार भएका निकायले  ध्यान दिनुपर्नेमा जोड दिइएको छ।

उक्त गीतमा गायक सुनारकै  स्वर, शब्द र सङ्गीत रहेको छ। देशलाई समृद्ध बनाउनका लागि इमान्दार नेताको खाँचो रहेको कुरा पनि गीतमा समेटिएको छ। उक्त गीतको श्रव्यदृश्यमा ध्रुव विश्वकर्मा, निश्चल कार्की र प्रमोद श्रेष्ठको अभिनय देख्न सकिन्छ।

सम्भव सुवेदीले छायाङ्कन र सम्पादन  गरेको भिडियोमा  कल्याण थापाको निर्देशन रहेको छ।   गायक सुनारको च्यानल ‘रिवाज सिंह सुनार’ मार्फत भिडियो सार्वजनिक गरिएको हो।

भिडियो