कैलाली - कैलालीको धनगढीमा आजदेखि साहित्य महोत्सव सुरु हुँदैछ। साहित्य महोत्सव २१ फागुनमा सञ्चालन हुनेछ। महोत्सवको उद्घाटन सुदूरपश्चिम प्रदेशका मुख्यमन्त्री त्रिलोचन भट्टले गर्ने कार्यक्रम तय भएको सुदूरपश्चिमाञ्चल साहित्य समाजका अध्यक्ष रामलाल जोशीले जानकारी दिए। 

यसअघि २०७६ सालमा प्रथम विश्व नेपाली साहित्य महोत्सव सम्पन्न भएको थियो। त्यसयता कोरोनाका कारणले दुई वर्ष महोत्सव हुन सकेको थिएन।

महोत्सवमा सुदूरपश्चिम प्रदेशको कला, संस्कृति, प्रकृति, पर्यटन, इतिहास, सम्पदा, दर्शन, उद्योग व्यापार र समग्र सामाजिक विकासमा टेवा पुग्ने समाजका अध्यक्ष जोशीले बताए। यस वर्ष कोरोनाका कारणले देश भन्दा बाहिरका साहित्यकारहरू ल्याउन नसकेको र देशभित्रका कवि, लेखक, साहित्यकार, पत्रकार, कलाकार र बुद्धिजीवीलाई कार्यक्रममा आमन्त्रण गरिएको अध्यक्ष जोशीले बताए।