काठमाडौँ - गजल लेखनमा चर्चित करुण थापाको एउटा गजल हालै सार्वजनिक भएको छ। नेपाली गजल विधामा कोमल भाव सम्प्रेषित गर्ने करुणको ‘बतासले चोट लाग्छ’ बोलको गजल नेहा करोेडेले गाएकी छिन्।

दशकअघिदेखि वाचनका क्रममा धेरै व्यक्तिले मन पराइएको गजल ‘बतासले चोट लाग्छ’ हालै रेकर्ड भई त्यसको स्टुडियो भर्सन ‘म्युिजक सूत्र’ युट्युब च्यानलमार्फत सार्वजनिक गरिएको छ।

संगीतकार सचिन सिंहले संगीतबद्ध गरेको उक्त गजलमा मुम्बईकी प्रतिभाशाली गायिका नेहा करोडेले आवाज दिएकी छन्। १० वर्ष भारतीय शास्त्रीय संगीत सिकेकी नेहा दिल्लीमा जन्मे पनि मुम्बईमा कार्यरत छिन्। उनले हालैमा प्रख्यात निर्देशक अनुभव सिन्हाको चलचित्रमा तीन गीत गाएकी छन्।