काठमाडौँ - बलिउड फिल्म  'कान्तारा' ओटीटी प्लेटफर्ममा रिलिज हुने तयारीमा छ। बक्स अफिसमा धेरै कीर्तिमान तोडिसकेपछि यस फिल्मलाई ओटीटीमा रिलिज गर्न लागिएको हो।

फिल्म नोभेम्बर २४ मा अमेजन प्राइम भिडियोमा रिलिज हुने बताइएको छ। फिल्म हिन्दी लगायत तमिल, तेलुगु, कन्नड र मलयालम भाषामा स्ट्रिम हुनेछ। मिडिया रिपोर्टका अनुसार, कान्तारा पहिले नोभेम्बर ४ मा ओटीटीमा रिलिज हुने तालिका थियो। तर बक्स अफिसमा बलियो प्रदर्शनको कारण रिलिज मिति पछि सारिएको थियो।

यसपछि यो चलचित्र नोभेम्बर ११ मा प्रशारण हुने तय भएपनि स्ट्रिमिङ मिति फेरि परिवर्तन गरिएको हो।

अहिले सम्म निर्माण पक्षले फिल्मको आधिकारिक घोषणा गरेको छैन। तर मलयालम रिभ्यु नामक सोसल मिडिया ह्यान्डलले पोस्ट सेयर गर्दै कान्ताराको ओटीटी रिलिजको जानकारी दिएको छ।